அறிய மலர்

செந்தாமரையையும் வெண்தாமரையையும்
மிகையாகப் பார்த்து வளர்ந்து வரும்
உன் கருவறை நாட்களில்,

அதன் கதை அறிவாயோ உயிரே!

என் சிறு வயதில் ஆற்றில் நீராடுகையில்
தாமரையின் தண்டினைப் பிடித்து பழகியதும்,
அதை பறித்து உண்டதும், இன்றும்
- என் கண்களில்,

நவராத்திரியில் எனதம்மா
இலகுவாக தாமரை இலைகளை பறித்து
அன்னை சரஸ்வதிக்கும், லட்சுமிக்கும்
விரித்து வைக்கையில் - அதன் அழகே அழகு!

இன்னவராத்திரியில் நீயும் அத்தருணத்தைப் பார்த்து
மெய் சிலிர்த்து தானே போனாய் - அப்பந்த பிணைப்பில்!

இந்த அழகிய மலரின் வரலாறு தெரியுமா? -
தண்ணீரில் மண்ணோடு, சகதியோடு இருந்தாலும்
தானாக பூத்து, மலர வழி தேடிக் கொள்ளுமாம் !

தனக்கான சூர்யவெளிச்சத்தை, தானே
தேடிக்கொள்ளும் வாழ்வாவாதி!

சேற்றில் முளைத்த செந்தாமரை - எனினும்
அழகோ குணமோ மாறுவதே இல்லை!

தூய்மையை உணர்த்தும் மலர் - ஆம்!
உடல் தூய்மை மட்டும் அல்ல,
உள்ளத்தூய்மையும்...

"தாமரை இலை மேல் நீர் போல்" -
இம்மலரில் நீர் பட்டால்,
ஒட்டாது ஓடும் - வாழ்வில் எத்தகு
பாடத்தை உணர்த்துகிறது பார்த்தாயா?

இன்றும் பலருக்கு மிகப்பெரிய கேள்வி -
எப்படி இச்சிறு மலருக்குள்
ஒட்டுமொத்த வாழ்வியல் சிந்தனையும்
உள் அடக்கம்???

உறுதியற்ற நம்பிக்கை,
இலக்கை நோக்கிய பயணம்,
அழகான புதுப்பிப்புகள்
- நீ வாழும் நாட்களில் இவ்வனைத்தும் பெற
இம்மலரின் ஆசியுடன் வாழ்த்துகிறேன்!

எனைக் கருவாக தேர்ந்தெடுத்து
இவ்வுலகிற்கு எதை உணர்த்த
ஜனித்தாயோ? - அறியேன்...

அங்கனமே உணர்ந்தறிய
என் அன்புப் பரிசு
- இவ்வழகிய தேசிய மலர்....!